Chin Ram, Mizoram Ah Ling A Hnin

November 26, 2021 zinglam nazi 6:12 hrawngah Chin ram, Hakha, Thantlang, Falam kiangkap ah ling a hnin thu theih a si. Mizoram le Bangladesh ramsung khalah ling a hnin, tutiang ahcun linghnin in a siatsuahmi thuhla theih ding aum lo nan linghnin rak theitu pawl cun a hnin naa tuk an ti.

“Linghnin’n in thangharh ih kan itsal thei nawn lo, a hnin naa tuk ih kan hnin luplo” tin linghnin theitu in a tarlang. United States Geological in himi lingnin cu magnitude 5.8 ih thazang cakin a hnin tin an tarlang. Leihnuai km 42.1 ihsin a hnin.

Italy’s National Institute of Geophysics and Volcanology (INGV) cun tuizing ih linghni kha magnitude 6.1 in a cak an ti. German Research Centre for Geosciences (GFZ) in magnitude 6.0 tin an tarlang ih European-Mediterranean Seismological Centre (EMSC) in magnitude 5.8 in a cak an ti ve thung.

Tuizing ih linghnin natzawng le a thukzawng cu USGS in an zohdik sal hnuah tuizing linghnin natzawng cu magnitude 6.1 a si, leihnuai kilometer 41 ihsin a hnin thok ruangah hmun ṭhenkhat ahcun a hnin sung a rei tin an tarlang.

Be the first to comment

Leave a Reply

Your email address will not be published.


*