China Ah Minung Luruh Tumpi An Sar

Minung tum zetzet pawl hi hlanlai ah leitlun ah an rak um ve. Pi 10 tlun in an sang ih an tum zet ruangah an ṭihnung tuk, Goliath miphun pawl an si. China, Heilongjiang province, Songhua River lilawn kiangah minung luruh tumpi cu an hmu.

China pawl cun “Homo Longi or Dragon Man’ tin an ko ih an san thuanthu khalah an lang phahphah ṭheu. 1933 kum ah China hnaṭuan pacang pakhat in arak hmu hmaisabik.

Japan pawlin China ram an rak uk lai caan a si ih Japan pawlin an laksak pang ding ti a phang ruangah Songhua River kiangah arak thup. 2018 kum ah a thih hlante ah a tupa hnenah a thilthup mi cu a sim thei, cutin an va hawlsal ih an hmusuak a si.

Hebei Geo University, Professor Qiang Ji in zingzoinak a tuah ih luruh cu kum 146,000 ih upa a si a ti. Cun mipa luruh a si ih minung pangai luruh aiin alet in a tum sawn. A thluak umnak cu 1,420 millimetres a si, a hnarkua khal a tum zet ruangah a thawthawt a ring zet ding a ti.

Be the first to comment

Leave a Reply

Your email address will not be published.


*