China Ah Thlahrang Inn Riak Hnaṭuan Ding Aum

China ramsung ah hnaṭuan ding danglam zet aum, mipi cun an thei tamtuk hrih lo. An hnaṭuan ding cu mithi umnak innruak, thlahrang inn ah an va riak ṭheu.

Mithi umnak inn hi an zuar tikah awlsamten an khawng thei lo, innsung ah thla aum ding ti an zum ih vansiatnak phunphun aum ding an ti. Innsung ah thla aum ngai le ngai lo zohdiktu pawl an um.

Thlahrang inn an lei tikah minung an va luah hlanah zohdiktu pawl cu an va riak hmaisa, innsung umdan pawl an zohdik ih anmahten inn sungah an um. Thla aum lo, a ṭihnung lo ti an nenhnget hnu lawngah inn cu an leiaw ṭheu.

Hnaṭuantu pakhat in, “Kan hnaṭuan cu a awlsam tuk. Innsung ah zankhat ka va riak ih sumpai ka ngah. Minute (1) ah (1) yuan ka ngah, nazi 24 sung ka um asilen Thailand sumpai in 7,000 baht lenglo ka ngah thei. Mi ṭhenkhat in hnaṭuan nuam a si ding an tiih an ra lut cece, asinan khatlam ahcun a ṭihnung ve zet. Hnaṭuan dingih ra luttu tam sawn cu a hmaisabik hna an va ṭuannak ihsin an suaksal hngal” a ti.

Be the first to comment

Leave a Reply

Your email address will not be published.


*