China Cozah In Nga Hawltu Lawng Parih An Tar Mi Cross Pawl An Dir Tla

Leitlun ram lakah China ram khal Christian hmuhsuam ram ah a telve, 2020 kum ihsin Christian an hmuhsuam dan hi an luar deuhdeuh. Tunaite khalah Zhejiang province, Qushan island ih nga hawltu lawng parih an tar mi cross cu an dirhtlak sak vivo.

An rak siang lo asilen nga nan hawl thei nawn lo ding tin an hringhro. Palik bawi in “Christian hminsinnak pawl dirhtlak nan siang lo asilen nan nga hawl theinak permit kan phit thluh ding. Asilolen datsi (gasoline) lei thei lo in kan lo tuah dingih lawng khal nan mawng suak thei nawn lo ding” tin a hringhro.

Cutin an lawng parih an tarmi cross le Pathian kan hnenah aum timi cafang “Emmanuel” pawl cu an thiatbal sak thluh. Qushan island hi China ramsung ah Christian um tamnak hmun a si.

Qushan island ih um minung 70,000 zat cu Christian an si ih kum 100 liamcia ihsin Christian an rak si zo. Nga hawltu pakhat in “Kan nga hawlnak lawng pawl cu bulpak ta a si, kan lawng a si ih kan duhduh tar theinak right kan nei.

Kan ram daanhrampi ah sakhua zalennak thuhla an ngan nan an kaa men a si, cozah in daanhrampi an thlun lo” a ti. Nga hawltu pakhat khalin “Sakhua dang hminsinnak pawl cu an thiatbal lo, Ziangruangah Cross lawng an hmu thei lo” tin media hnenah a sim thei.

Be the first to comment

Leave a Reply

Your email address will not be published.


*