China In An Kaih Mi 170 An Kuat Tlung, India In Chin Raltlan Pakhat Ralhrang Hnenah A Pe

China in an kaih mi Myanmar mi 170 cu May 19, 2022 sun ah a kuat tlung. Guangdong Province, Huoyang Prison thawnginn ih an khummi pawl an si.

May 19 sun ah ramri Muse gate ah an thlah, mipa 116 an si ih nunau 54 an si. 120 cu Rakhine ramsung ih um an si ih midang cu Myanmar ramsung hmun dangdang ih um an si. An thawngtlaknak hmun ah Myanmar mi thawngtla 100 lenglo an um lai, himi an kaih mi pawl cu China ramsung ih hnaṭuan pawl an si.

China ramsung ah Myanmar mi thawngtla 6,000 lenglo an um thu mibawmtu pawlkom in an ngankhum. May 19, 2022 ah India cozah in Chin raltlan pakhat cu ralhrang kut ah a pe.

A hmin cu Thomas K alias Shewe Hia Aung a si ih kum 33 mi a si. Chin State, Paletwa peng, Piennetapin khuami a si. Sun nazi 1:30 hrawngah Tamu ṭuanvo neitu hnenah an hlan tin Imphal Press thuthang sungah an tarlang.