China In Fa 2 Lawng Neih Theih Timi Daan An Ṭhialbal

China ram hi minung an rak tamtuk ih an pung cak tuk ruangah 1979 kum ah fa pakhat lawng neih theih timi daan an tuah. Fa pakhat lawng neih ding ahcun zo cio khalin fapa an rak duh deuh tlangpi ruangah nauthlak khal an tam zet.

Cutin mipa an tamtuk ruangah nunau an daihaw nawn lo lala. 2016 kum ah fa 2 lawng neih theih timi daan thar an tuahsal, cumi hnuah kumtinten nau piang an mal vivo.

Kumkhat hnu kumkhat China minung an mal duuhdeuh ti a si, 2019 kum ah 14.65 million zat naute an piang ih 2020 ahcun 12 million lawng nauthar an piang.

Curuangah May 31, 2021 ahcun fa 2 lawng neih theih timi daan cu an ṭhialbal ih fa 3 lawng neih theih timi daan thar an tuah. Kum 10 dan ah himi daan cu zohsalnak an nei ṭheu ih a ṭha an ti asilen an fehter ih a ṭha lo an ti asilen kum 10 dan ah an ti danglam ṭheu. May 31, 2021 ni cu an daan tuahmi ih kum 10 kimnak ni a si vekin daan thar an tuah.

Be the first to comment

Leave a Reply

Your email address will not be published.


*