China Milar Hminthang Cu Fala Pawngsual Thubuai A Neih Ruangah A Hnaṭuannak Company Pawlin An Hnong

Kum 30 mi Kris Wu cu China milar hminthang zet a si. Actor, rapper, singer, hlaphuah thiam le model ṭuanlai khal a si. A hminthang zet ruangah company ṭhaṭha thawn hna an ṭuantlang.

Asinan, fala kum 19 mi in kum 17 a si laiah arak bum thu a relsuak ih tulai ah a hminsia zet. Fala in “lemcannak pawlkom ah ka lo thunlut ding tin in bum ih a inn ah leng dingin in sawm.

Ritheih thil in pek hnuah in puahcok, midang nunau a puakcokmi 8 khal ka thei. Pahnih cu tleirawl te an si ih keimah vekin bum an tong ve” a ti. Cun, a kaa huppitnak ah 500,000 yuan ($77,166) zat a pek thu khal a rel.

Curuangah Kris Wu cu company tam zetin hnaṭuan tlang dingah an duh nawn lo ih an hnong, an ban. A thubuai pawl cingfel lawk seh an ti.

Kris Wu in “Ka tuar thei nawn lo, ahmaisa ahcun daiten ka rak um lawk nan thuphan ih in mawhputnak cu ka tuar thei nawn lo. Nunau ka bum dah lo ih ka pawngsual lo” tin Weibo ah a tarlang. Cun, fala kum 19 mi khal thuphan a per tin tazacuai a tum. An thubuai cu an zingzoi rero lai.

Be the first to comment

Leave a Reply

Your email address will not be published.


*