China Milar Hminthang Cu Police Pawlin An Kai

Kum 30 mi Kris Wu cu China milar hminthang zet a si. Actor, rapper, singer, hlaphuah thiam le model ṭuanlai khal a si.

Fala kum 19 mi Du Mei Zhu in kum 17 a si laiah arak pawngsual thu a pholang ruangah tulai ah a hmin a sia zet, Du Mei Zhu khal milar pakhat a si ve.

Du Mei Zhu in “Tleirawl tete pawl a bum ih a sualpi ṭheu, awnmawi khawvel ah ka lo hruailut ding tin a bum ih a sualpi’ a ti. Curuangah company tam zetin Kris Wu cu an tlansan, hnaṭuanpi an duh nawn lo ih a thubuai pawl cinfel lawk seh an ti.

Kris Wu in “Thudiklo a si, mi ka bum dah lo ih ka pawngsual dah lo. Ka tuah ngai asilen lungphang hlah uh. Keimahten thawnginn ah ka feh ding, ka tuahmi parah ṭuanvo ka la ngam” a ti.

Thubuai thehluttu Du Mei Zhu in tettinak ah video le zuk pawl khal police pawl a pek thu a rel, cutin an thuhla cu a hnok vivo ruangah Kris Wu cu rinhlel thu in China police pawlin an kai. Thudik a si le si lo cu midang pawl hnenah an zingzoi ih a fans pawl khal thusutnak an nei rero lai.

Be the first to comment

Leave a Reply

Your email address will not be published.


*