China Milian Zetin Bank Ah Sumpai Ava Suah, Hnaṭuantu Pawl Thawn An Tithiam Aw Lo Ruangah A Sumpai Cu Kut Rori In A Siarter

China milian zet millionaire ih cangvaihdan hi tulai China online khawvel Weibo sungah a lar zet. Bank of Shanghai sungah ava lut ih hnaṭuantu pawlin Covid-19 ruangah mask bun dingin an rak fial cu a lungawi lo.

Curuangah sumpai 5 million Yuan (£560,000) zat a lasuak ih a kim lo tin an kut rori in a siarter sal thluh. Nikhat ah 5 million yuan aitam cu suah an siang lo.

Cutin an buai hnuah “Thaisun ah ka rasal dingih 5 million yuan zat ka suahsal ding, kut rori ih nan siarsal a ṭul. Ka bank account sungih sumpai a cem hlanlo ka ra suah thluh ding” tin a hringhro.

A bank account ta sumpai zaten a suah thluh tum ih bank dangah a thunlut tum thu theih a si. Bank lam cun lungawi lonak dang a neicia a si ding, hnaṭuantu pawl cun awkam nemten mask bun dingin an fial’ an ti.

Be the first to comment

Leave a Reply

Your email address will not be published.


*