China President In “Ramdang Pawl Kan Hmuhsuam Lo, Kan Palbet Dah Lo” A Ti

China cozah Chinese Communist Party cu July 1, 1921 kum ah an rak sersuak. Tuikum July 1, 2021 ah 100th Anniversary cu hlunghlai zetin Beijing’s Tiananmen Square ah an tuah.

Cutawk ah China President Xi Jinping in “Kannih China in ramdang pawl kan hmuhsuam, palbet, nautat dah lo. Hmailam caan khalah kan tuah lo ding” a ti.

China president ih ṭongkam cu Yangon ih um Chinese Embassy pawlin an facebook page cahmai ah Kawlca in a thaisun ah an post. Myanmar mipi pawlin an hmuh veten a phunphun in an soisel ih “China in ramdang pawl a palbet le palbet lo cu Myanmar mipi in kan theibik” an ti.

China le Myanmar san thuanthu mallai: 1283 kum ah Pagan Dynasty sanlai ah China lal pakhat King Narathihapate cu China ram ihsin a tlan ih Myanmar ramsung ah a lut. Cui san cu “Tayoke Pyay Min” an tiih a san cu ‘China ram ihsin lal a tlan’ tinak a si.

Cutin, China ralkap pawlin an dawi ih Myanmar ram cu vei tampi lak an tum nan an hlawhsam. Konbaung Dynasty sanlai, 1765 in 1769 karlak ah vei 4 rori Myanmar ram la dingin an rak doaw ciamco.

Myanmar ram cu British cozah in arak uk ih January 4, 1948 kum ah British kuhnuai ihsin zalennak an ngah. Myanmar ram zalennak a ngah hnu kum 2-nak 1950 kum ihsin China cozah cu Myanmar ramsung ah a rawlhaw sal.

Myanmar ram buainak ah China cu arak telve ringring, cutin China le Russia cu Myanmar ramsung ah hlawknak phunphun an hawl ih umhmun an khuar vivo.

UN meeting le ramdang pawl hmai khalah China le Russia in Myanmar ralkap pawl an dinpi ih an lam an tang ringring, hitin Myanmar ralkap lam ih an tannak hi alakin an tang lo. Myanmar leiram sungih thilṭha phunphun an thiarsuah ṭheu ruangah a si.

Be the first to comment

Leave a Reply

Your email address will not be published.


*