Shan State, Kyaukpyu khua ih um tlangval pakhat cu China ram ah hnaṭuan dingin ava feh ih a hlo, a innsang pawlin thla 7 sung an pehtlaih thei nawn lo zo. Kum 26 mi Maing Warida cu 2021 October thla ah China ram ah ava feh ih hna a ṭuan hnuah a hlo.
A pa in, “Ka fapa hi a hloh hlante ah kan biaaw thei. A hlo zan ah in phone ih an umnak hmun ah China palik pawl an ra. Asinan, zianghman a s lo in ti. Cumi hnu ihsin tuini tiang kan pehtlaih thei nawn lo” a ti. Thla 7 sung a umnak an theih lo ruangah a innsang pawl cu an thinhar zet.
Thudang: China Ram Ah Hnaṭuan Dingin An Va Feh Ih An Kai, Thla 9 Sung An Thuhla An Thei Nawn Lo; Shan State, Kyaukphyu khua ih um mino pathum cu China ram ah hnaṭuan dingin an va feh ih China palik pawlin an kai.
An innsang pawlin khuitawk thawnginn ah an um ti khal an thei, thla 9 sung cu an pehtlaih thei lo. Mino pathum kum 22 mi Kyaw Lin Moe, kum 23 mi Myo Myint Aung le kum 21 mi Zaw Shein Tun cu November 11, 2019 kum ah China ram ah hnaṭuan dingin an feh.
Zaw Shein Tun ih nu in, “China ram ah hnaṭuan dingin an rualvah thum in an feh. An thlen pekte ahcun kan pehtlaih thei. 2021 August thla ah China palik pawlin an kai, ziangruangah an kai ti cu kan thei lo. An rualpi in room sungih an um laiah an kai thu in sim thei. Cumi hnu ihsin kan pehtlaih thei nawn lo, tuini tiang an thuhla kan thei lo” a ti.
Mino pathum cu an innsang pawlin an pehtlaih thei lo ruangah an thinhar zet. China ram ah hnaṭuan dingih feh Myanmar mi hlo thuhla theih ding aum hnuaihni zo, ṭhenkhat cu kum tampi hnuah inn lamah an tlungsal thutthi ṭheu.
Leave a Reply