China Ram Ah Hnaṭuan Dingin Ava Feh Ih Pasal A Nei, Kum 10 Sung A Innsang Pawl Thawn Pehtlaih Aw Thei Lo

2010 kum ah Myanmar fala pakhat cu China ram ah hnaṭuan dingin a poksuak ih China mi pasal ah anei. Himi lai caan ah pehtlaih awknak a ṭha lo, mobile phone tivek aum hrih lo ruangah a innsang pawl thawn an pehtlaih aw thei nawn lo.

Tu’ah a innsang pawl pehtlaih dingin a hawl rero lai, media hnenah a thuhla a sim thei. A hlan ahcun Yangon peng, Hlaing Tharyar ih um a si. A hmin cu Ma Su Su Hlaing a si ih a nu cu Daw Than Htwe a si, a paei cu U Soe Thein a si ih an umnak khal a thei nawn lo. An damlai maw, an thi zo ti khal a thei lo.

Ma Su Su Hlaing in, “Kan rak harsa tuk, nikhat ṭuan ih nikhat ei kan si ruangah ka nu khalin China ram feh dingin a lungkim. Ka rualpi pawl thawn China ram ah hnaṭuan dingin kan feh ih pasal ka nei lanta. Himi lai caan ah phone aum lo ruangah ka innsang pawl thawn kan pehtlaih aw thei nawn lo.

Ka nu le ka paei cu lamzin kap ah sang an zuar ṭheu, ka nute cu building thianfainak ah hna a ṭuan. Ka nute cu pasal anei nawn lo ih a fale pawl thawn an khuasa. China ram ah hnaṭuan in pasal ka nei, ka rualpi pawl khal an tlung thluh zo. Ka pasal thawn fate khal kan nei zo, ka innsang pawl thawn pehtlaih aw dingin lamzin ka hawl rero lai” a ti.

Be the first to comment

Leave a Reply

Your email address will not be published.


*