China Rawldawr Hotpot Sungah Condom Arak Um, A Phen Ah Thildang Aum >>>

China, Sichuan Province, Leshan City khawpi ah Mr Hu le a rualpi pawl cu hotpot an va ei, thaw zetin rawl phunphun an ei ciamco ih an khop zikte ah an hotpot sungah condom an hmu cu an lungawi lo tuk. Phone in an zuk hngal ih rawldawr sungah buainak an tuah, rawldawr neitu an ko ih dawr neitu in ngaithiam a dil.

December 18, 2021 simlam ih thilthleng a si, Mr Hu in zangnadawmnak ah 10,000 yuan zat a dil ih an pe lo asilen a thilton cu online parah a tarlang ding tin a hringhro.

Online parih a tarlang asilen an dawr cu a hminsia dingih buainak phunphun an tong thei. Dawr neitu in CCTV pawl an zoh thluh nan thildik lo zianghman an hmu lo, cun rawlsuangtu pawl khal thu an sut vivo ih condom thuhla cu zohman in an thei lo.

Cutin an thuhla cu a hnok deuhdeuh, an thuhla cu vengsung ah a darh thluh man. Dawr sungah nazi 3 hrawng an buai zo, cutin an buai laiah an vengsung ih um noodle dawr neitu ara ih, “Hipa thotho hi a si, ka dawr ah noodle ara ei ih a noodle eimi lakah pangang cm 3 hrawngih sau a hmuh ruangah buainak a tuah.

Midang hnenih phuangsuak na duh lo asilen zangnadawmnak in pe aw tin in hringhro” ara ti. Tualsung palik pawl an ko lohli hnuah thilumdan pawl cu an zingzoi ih dawr neitu pawl ih thiamlonak aum lo ti an theisuak, rawleitu in rawl a ei thluh hnuah condom cu a rawl sungah a ret ih cutin buainak a tuah.

A rawlei man khal pe loin dawr neitu hnenah zangnadawmnak sumpai a dil ti an theisuak ih an kai, a phutawk hremnak pe dingin palik sakhan lamah an hruai ih midang dawr ah teh hivek thil arak tuah zo maw ti an zingzoi rero lai.

Be the first to comment

Leave a Reply

Your email address will not be published.


*