China, Zhoushan khawpi ih van boruak cu thisen vekin a sen thluh tin May 6, 2022 ah an phuang. Tualsung mipi pawlin an ṭih tuk ih an au ciamco. Tulai China media Sina le Weibo ahcun a lar zet.
Ziangruangah an van boruak hi a sen ti an theifiang hrih lo, zingzoitu pawlin tipithuanthum parfih lawng meisa fehsual ruangah a si men ding. Asilolen van boruak eng fehsual ruang khalah a si thei an ti.
China mipi pawlin, “Thilsia rapthlak zet a thleng ding ti theihternak a si ding. China in Covid-19 lak ih a cangvaihdan ruangah siatnak a tong zik a si ding” an ti. Ṭhenkhat in, “Ei le in ding kan khawl cia a ṭul ding. Armageddon ralpi a thleng ding” titu khal an um.
Ṭhenkhat in, “2022 kum sungah meitlang rapthlak zet a puak ding ruangah eng danglam zet a kapsuak hmaisa a si ding” an ti. San thuanthu an zohsal tikah 1770 kum ah China, Korea le Japan van boruak a sen thluh zo.
Leave a Reply