Rakhine State, Toungup khua ih tlawng sayama ṭuanlai Daw Cherry Thet Shay cu April 28, 2022 ah ralhrang pawlin kum 10 sung thawngtla dingin a thu an ṭhencat. Ralhrang in ramsung thuneihnak an lak ruangah an kuthnuai ah hna a ṭuan duh nawn lo ih CDM a tuah.
November 20, 2021 ah ralhrang pawlin an umnak inn ah an va kai. An sungkhat in, “Zinglam nazi 10:00 hrawngah ralhrang 15 in an inn cu an kulh thluh ih an kai, Toungup ralkap sakhan sungah an khum ih ni 5 sung rawl an pe lo. November 25 ah Toungup thawnginn ah an kuat” a ti.
Thla 5 hrawng an kaih hnuah dothlennak ih tel tin pukmah (50) in thubuai an orhter ih kum 10 sung thawngtla dingin a thu an ṭhencat.
An sungkhat in, “An kaihni ah motor thawn an phur ih ‘in seherh hlah uh, thilsual zianghman ka tuah lo. Thudik ka dinpi ruangah a si, ka nu le ka fapa hi rung kilkhawi uh’ tin in cah ta” a ti. Kum 45 mi tlawng sayama Daw Cherry Thet Shay cu Chin miphun a si, an inn ah hringtu a nu le a fapa pahnih an um.
Leave a Reply