Chinram Ah Covid-19 Vek Damlonak Cikhat A Leng, Thawsam In Mipum 100 Hrawng An Dam Lo

Chinram, Tonzang District, Cikha khua ah Covid-19 vek damlonak cikhat a leng ih damlo 50-100 hrawng an um. Cikha khua cu India ramri ih um a si, damlo pawl cu Covid-19 damlo vekin thawsam in an buai. Damlonak cu an kaisawng aw thei.

Cikha khua ah District Hospital lawng aum ih damlo pawl tuamhlawmnak ding bungrua an tlasam zet ruangah bawmtu ding an hawl rero lai. Myanmar ramsung a buai vekin zo in an bawm ding ti cu theih a si hrih lo.

Oxygen khal an daihaw lo ruangah bese deuh pawl cu an hmang tawmaw. Damlo pawl tuamhlawmnak ih an ṭul hleice mi pawl cu, meisa cet (Generator), Nebulizer, Pipe & Mask, Oxygen Concentrator pawl hi an ṭul zetmi a si.

A bawm theitu cun hinah nan pehtlaih thei. Sia Lang Khan Khai, Zomi Baptist Aid (Zomi CAD), ZOMI INNPI, ZBCM GHQ, Kalaymyo, Phone: 09 400 476 507, Email: langkhankhai@gmail.com, FB: Lang Khan Khai

Be the first to comment

Leave a Reply

Your email address will not be published.


*