Chinram Ah Ralkap In An Milesa Mithi Ruak 2 Cu Ekinn Sungah An Hlon

Chinram, Mindat, Chat (ချပ်ရွာ) khua kiangah ralkap le mipi kilhimtu CDF (Mindat) pawl an doaw, cutawk ih ralkap thi 2 ih ruak cu ralkap pawlin muka in an tuam ih ekinn sungah an hlon.

Ekinn sungih an hlonmi ralkap ruak 2 cu khuasung mipi pawlin an lasal ih an urkang. Ralkap pawl cu Chat khua ih Baptist biakinn sungah umhmun an va khuar, biakinn sungah zu le sa an in/ei ih an ri tuk.

Khausung mipi pawl ih rannung khal an thatsak, caw pakhat an that ih zu thawn an hmeh. Khuasung inn pawl khal an kap ciamco, tuizing August 31 zinglam ah Chat khua cu an suahsan.

Khuasung mi pakhat in “Kan khua sungih inn zaten laktlak aum nawn lo, khuasung ih Baptist le RC biakinn sungah an lut ih thilri bungrua pawl an siatsuah thluh. An lak theimi thil cu an la ih an lak thei lo mi pawl cu an siatsuah thluh” a ti.

Be the first to comment

Leave a Reply

Your email address will not be published.


*