Chinram Ah UN Motor Ava Thleng Nan Raltlan Pawl An Bawm Thei Lo

United Nations High Commissioner for Refugees (UNHCR) in Chinram, Mindat ramsung ih raltlan pawl bawm dingin July 19 sun ah an poksuak.

Ralkap pawl ih siannak le ramsung khualtlawnnak pawlkom (travel authorization) ih siannak in feh an si, UNHCR pawlin Mindat raltlan pawl cu ei le in lam si lo, humhim awknak lam thilri pawlin an bawm tum.

Tarpaulins, mosquito nets, sleeping mats, blankets, coka bungrua, solar lamps, Covid-19 khamawknak siivai le thilri pawlin an bawm tum. Minung 5,000 lenglo hrang thilri an phur nan raltlan pawl umnak ngaingai ahcun an feh thei cuang lo.

Mindat raltlan pawl hnenah an pe theilo nan an thilri pawl cu Mindat ramsung ah aum lai. Mindat ihsin km50 hlatnak ih um raltlan pawl hohatu Dr. Bu Htang in “Kan khua Tuili raltlan pawl hnenah zianghman a thleng lo, kan hnenah raltlan 1,200 zat an um ih khua ah an thlung thei hrih lo.

Tuiṭum bawmnak ah zianghman kan dawng lo, bawmnak kan dawng asilen kan hlawmaw ṭheu. UN bawmnak cu ralkap ih siannak cing lawngah an feh ti kan thei, UN bawmnak cu khawpi ah siloin khua te lamah zem sawn ding an si.

Raltlan pawl umnak le doawknak ih harsatuar pawl khuate lamah zemsawn ding an si nan” tin The Irrawaddy thuthang hnenah a sim. UNHCR in an thilri pawl cu “A ṭulsammi pawl hnen ih a thleng theinak dingah kan zuam rero lai” a ti.

Be the first to comment

Leave a Reply

Your email address will not be published.


*