Chinram Ah Vei-3 Rori Bomb A Puak

May 27/28 ah Chinram sungah vei-3 rori bomb a puak. May 28, zinglam nazi 7:45 hrawngah Paletwa, Myoma vengsung ih um cozah zung le Myanmar Economic Bank hmaiah bomb a puak. Bomb pakhat a puak hnu reilote ah pakhat a puak sal.

Vengsung mi pakhat in “Tuizing nazi 7:45 hrawngah bomb a puak, Township Administration Council Office ah a puak hmaisa ih, minute 2 hnuah MEB hmaiah a puak sal. Bank hmai ih bomb puak ruangah kiangkap um mi pakhat hliam a tuar” tin Western News hnenah a sim thei.

Bomb puaknak hmun ah ralkap pawl an va thleng zo ih an kil thepthep. Paletwa ramsung ah thuneihnak latu ralkap, AA hriamkai le Chinland Defense Force (CDF-Paletwa) pawl an um ih zo in bomb an kam ih an puah ti cu theih a si lo. Western News in thuhla theifiang dingin Paletwa upa pawl an pehtlaih tum rero lai.

Mizan May 27 zan nazi 7:40 hrawng ah Tedim BEHS No. 1 sungih Tedim peng fimthiamnak zung sungah puah a puak. Tedim Township Education Office bomb puak ah hliamtuar le mithi thuhla report aum lo nan an office cu a puakdarh thluh.

Be the first to comment

Leave a Reply

Your email address will not be published.


*