Christian 100 Lenglo Cu Buddhism Ah An Lut

Shan state, Namtu Township, Loi Khun khua ih innsang 21 cu Christian sakhua ihsin an suak ih Buddhism sakhua ah an lut, mipum cun 100 lenglo an si. Sayadaw U Thaw Bita in “An khua ah motor a thleng lo, bike thawn feh a áš­ul.

A hlan ahcun Christian an si nan Buddhism sakhua ah an ra lut” a ti. Phungyi pawlin lawmlutnak an tuah ih ei le in ding khal an pe.

Khuasung mi pakhat in “Ahlan aiin kan hnangam sawn, kan thin khal a hahdam. Hringnun khal kan theifiang deuhdeuh” a ti. An nauhak pawl khal phungyi tlawng ah an ap cih.

Loi Khun khua ah innsang 33 an um ih innsang 21 cu Buddhism sakhua ah an lut, innsang 5 cu Baptist an si ih innsang 7 cu Methodist kawhhran an si. Christian khua an rak si lawk nan tu’ahcun Christian le Buddhism khua ah a cang. An khua kiangkap ih bawmnak sumpai in an khua ah motor lamzin khal an tuahsak tum ti a si.

Be the first to comment

Leave a Reply

Your email address will not be published.


*