Christian 1,500 An That

2021 January ihsin April tiang thla 4 sungah Nigeria ramsung ah zumtu Christian minung 1,470 zat an that zo tin Christian Today thuthang ah an tarlang. Cun, zumtu 2.200 zat cu rukhlo an si ih ṭhenkhat cu an nungdam maw nungdam lo ti an theih lo tin Intersociety for Civil Liberty and Rule of Law in a phuang.

Leitlun ah Nigeria ram hi Christian pawl dekcok nasabik ram an si ih an ramsung ih Christian pawl cu thlaphang in an um ringring, zan khalah thawten an itthat thei lo ih an khawm tik khalah ziang tikah in ra tibuai ding, ziangtik ah in ra kai ding tin thinlung buai zetin Pathian an thangthat ṭheu.

Islamist ruhkol pawl ih cangvaihnak a si ih an ramsung ih Christian ti cimit an tumnak cu a rei zet zo nan an ramsung ah Christian an pung deuhdeuh sawn. Kaduna state sungah Christian an hmuhsuam nasa bik ih thla 4 sungah minung 300 an that zo ih minung 800 an kai.

Benue state sungah minung 200 an that ih Plateau state sungah 90 an that. Katsina state thuphuangtu in “An kaihmi kumkim lo Christian tleirawl te pawl cu Muslim mipa thawn an neihawkter ih Islam sakhua ah an lutter ṭheu” a ti.

Be the first to comment

Leave a Reply

Your email address will not be published.


*