Christian Ih A Lut Ruangah A Nupi In A Rawlei Dingah Zinghnam Tur A Ret

Africa, Uganda pacang kum 56 mi Hiire Sadiki cu Islam zirhtu a si. A damlo besia ih siizung ah an tuamhlawm, cutin a damlo laiah pastor in ava vehvai ṭheu ih Pathian thu a sim thei hnuah rundamnak a co ih Christian ah a lut.

Siizung ihsin a suah hnuah a nupi in Jesuh hmin ih thla a cam lai a thei ih a mangbang tuk, Islam puaipi Ramadan khalah zianghman a tuah lo ruangah a nupi in a sutfiah.

Hiire Sadiki in, “Ka thlacamdan thuhla ruangah thu in sut ih Jesuh ka zum zo tin ka simfiang” a ti. Curuangah a nupi in a rawlei dingah zinghnam tur arak ret ih a ei ngah, a pum naa ih a luak ciamco hnuah siizung ah an tlanpi.

Pastor in a va vehvai ih a nupi cu aum lo, a phone ih a nupi in ‘Islam sakhua a phatsan ruangah thi tlak a si. A kiangah ka um paih nawn lo’ arak ti. A nupi in a fate pathum kum 16, 10 le kum 6 mi hruai in khua dangah a tlan.

Hiire Sadiki cu a thi lo ih siizung ah an tuamhalwm rero lai. An khua ah Christian an tam sawn, asinan an khua kiangkap ahcun sakhua dang pawl an um tam ih Christian cu an hmuhsuam thei zet, Islam sakhua ihsin Christian ih lut cu an hmuhsuam cuang.

Be the first to comment

Leave a Reply

Your email address will not be published.


*