Christian Sakhua Hmuhsuamtu Muslim Puithiam An Kai

Muslim tamnak Indonesia ramah Christian sakhau hmuhsuamtu Muslim puithiam pakhat an kaih thu theih a si. Muhammad Yahya Waloni cu a hlanah Christian arak si, 2006 kum ah Muslim sakhua ah a lut ih cumi hnuah an biakinn sungih thlacam hruaitu upa pakhat a si.

Jakarta khawpi ih thusimnak aneih laiah “Bible cu thuphan phuahcop men a si” a ti ruangah tualsung mi ṭhenkhat in palik sakhan ah thubuai an va thehlut. Palik pawlin an kai ih thuṭhennak cu an tuah hrih lo, palik pawlin a thuhla cipciar zetin zingzoinak kan nei ding an ti.

Indonesia’s Religious Affairs Minister Yaqut Cholil Qoumas in “Daan hmaiah kan zaten bangaw thluh kan si, sakhua dang hmuhsuamtu le huatawknak thu reltu pawl cu dik zetin hremnak kan pe ding” a ti.

Indonesia ramsung ih um Christian ṭhenkhat in “Christian hmuhsuamtu pawl cu midang vekin hremnak an pe ngaingai dah lo” an ti. Asinan, Christian pawlin midang sakhua an hmuhsuam asilen hremnak naa zet an pe ṭheu thu an rel. Open Doors USA’s World Watch List ih tarlang vek asilen Indonesia ram cu Christian hmuhsuamtu ram lakah No. 47-nak ah aum. (#Christian Post)

Be the first to comment

Leave a Reply

Your email address will not be published.


*