Christmas Zan Ah Italy Putar Kum 80 Mi In A Nupi A That, A Thahnak San Hi A Mak Zet >>>

Italy, Fanano di Gradara khawpi ih um putar kum 80 mi Vito Cangini in a nupi kum 61 mi Natalia Kyrychok cu Christmas zan December 25, 2021 zan ah nam in a dawt ciamco ih a hmun ah a thi cih. A nupi thawn kum 19 in an thlauaw, a nupi ruak cu an innsung ah aum ih an zial cu thihnai in a khat thluh.

Vito Cangini cu zianghman thleng lo bangin ihkhun ah ava itthat. A thaizing ah an uico hruai in lamlennak an nei ih inn an tlun hnuah breakfast an ei, a nupi ruak cu a kiangah aum ringring. Sundir ah an uico cu a hruaisuak sal ih lamlennak an nei.

Inn an thlen hnuah a nupi ih hnaṭuannak restaurant neitu cu a phone ih, “Ka nupi hi na hmu nawn lo ding, nan pahnih karlak ah ziangthil aum ti ka thei thluh” a ti. A nupi hi restaurant ah kum 2 sung hna arak ṭuan zo ih Vito Cangini in, “Nan pu na uar” a ti ṭheu.

Cutin restaurant neitu in palik pawl hnenah a sim thei ih an innsung an va zohdik cu mithi ruak an hmu, nam ih dawtnak hliamhma 4 an hmu. Tualthattu Vito Cangini khal palik pawlin an kai ih an hruaisuak, a nupi a thatnak san cu hitin a phuangaw.

A nupi thawn Christmas zan ah nupi-sinak hmang dingin thu an rak relcia, a nupi khalin a cohlang. Cutin nupi-sinak an hmang hlanah Vito Cangini in thacahnak, nunau itpit rei theinak siivai Viagra a ei. A taksa sungah a siivai eimi in hna a ṭuan zo, asinan a nupi in nupa-sinak hmang cu arak duhsal lo ruangah a thinheng supaw thei nawn loin a nupi cu nam in a dawt that thu pawl a phuangsuak.

Be the first to comment

Leave a Reply

Your email address will not be published.


*