Christmas Zing Ah An Inn A Kang Ih An Kang That

US, Pennsylvania khawpi ih um innsang pakhat cu Christmas zing December 25, 2021 zinglam nazi 1:30 hrawngah an inn a kang, an itthat laitak ah innsung ih an ret mi Christmas Tree ihsin kangmei a suak ih an inn cu a kang.

Innsang member 5 an si ih innsang nubik le an fapa upabik cu an tlansuak man, siizung ah an tuamhlawm lawk ih an suak zo.

Innsang pabik le an fapa 2 cu tlansuak man loin an kang that thluh, sunsuaktu pawlin an run tum rero nan kangmei hi a nasa tuk ruangah an hlawhsam.

An inn kiang inn 2 ah kangmei hi ava kangkai nan mithi le hliamtuar um loin an rak tlansuak man thluh, vengsung mipi pawlin an tuarpi zet ih GoFundMe an tuahsak. Ṭuanvo neitu in, “An Christmas Tree ihsin kangmai a suak ti kan thei, ziangtin kangmei a suak ti cu kan zingzoi rero lai. Christmas Tree ihsin kangmei a suak awl tuk ruangah fimkhur cio uh” a ti.

Be the first to comment

Leave a Reply

Your email address will not be published.


*