Cinmual Thlan Hlun Ah Hmunhma A Um Nawn Lo Ruangah Cinmual Thlanmual Thar Fehnak Lamzin Rem

Cinmual thlaan hlun ah hmunhma a um nawn lo ruangah Lailun fehnak ziin thlangah thlanmual thar tuah a si na’n lamzin țhat lo ruangih hmang thei hrih lomi cu July 2 (tuni) ah veng țuanvo neitu pawl in an rem.

Cinmual thlanmual thar cu acres 7 lenglo kaumi a siih thlaan tuah cia 14 khal a um ruangah thihhloh tongtu pawl cun olsam te’n hmang cih thei dingah timlammi a si.

COVID-19 ruangih mithi tam vivo ruangah ruak vuinak pawl bahlah lo dingin țuanvo neitu pawl in an zuam rero ih CRCDF khal in Cinmual thlanmual fehnak lamzin rem dingah sumpai an bawm ve.

Cuih sumpai pawl cu ramsung/leng hmun tinkim ihsin Falam COVID nat dokhamnak hrangah mipi ih thawhkhawmmi a si. Falam ah Cinmual thlaan, Canmari thlaan, Laizo ziin thlaan le Laampa thlaan ti’n thlanmual 4 a um. (# Chinland Herald)

Be the first to comment

Leave a Reply

Your email address will not be published.


*