CNA / CDF In Hmunthum Ah Ralkap Pawl An Kap Ih Ralhrang 11 An Thi

November 6, 2021 zinglam ah Chin ralkap CNA le mipi kilhimtu CDF pawl an tangtlang ih Chin ramsung ih um ralkap pawl cu hmunthum ah an kap. An doawknak ah ralkap 11 an thi ih hliamtuar 2 an um. Hakha ah hmunhnih ah an kapaw, Thantlang ih umhmun khuar ralkap sakhan khal an kap.

“Tuizing nazi 4/5 hrawngah Hakha lut/suahnak cawbuk veng sungih um ralkap umhmun khuarnak gate cu kan kap ih ralkap 5 an thi. Hakha peng palik zung tlun, tlangpar purang kiangih um ralkap sakhan khal kan kap ih ralhrang 6 an thi. Hmunhnih ih ralkap thi cu 11 an si.

CNA / CDF lamah mithi an um lo. Thantlang khuasung ih doawknak ahcun mipi kilhimtu pakhat a thi ih pahnih in hliam an tuar. Ralkap lam thizat cu kan thei hrih lo” tin CNA thuphuangtu in media hnenah a sim thei.

Thantlang khuasung doawknak ah CNA paraláš­ha pakhat in ram le miphun hrangah a nunnak a pe, CDF pahnih in hliam an tuar. Thantlang khuasung doawknak ah ralkap lam thi le hliamtuar cazin cu theih a si hrih lo. Ralhrang pawlin ralthuampi an kahnak ruangah TABC hngakáš­ah runinn telin inn 4 a kangral.

Be the first to comment

Leave a Reply

Your email address will not be published.


*