CNA/F Le Gangaw-PDF Pawl Komaw In Ralkap An Do Ih Ralkap 15 An Thi

September 10 zinglam ah Gangaw peng, Hnankha khuate kiangah CNA le Gangaw-PDF pawl an komaw ih ralkap pawl an do, an doawknak ah ralkap lam 15 an thi ih hliamtuar khal an tam zet ding ti a zumum.

CNA le Gangaw -PDF lamah hliamtuar le mithi an um lo ih hlawhtling zetin dung an dip lawk.

Gangaw PDF in “Ralkap pawlin Gangaw, Min Thar khua ah mipi kilhimtu le sualnak nei lo khuasung mipi pawl an rak that, cumi hrangah Gangaw-PDF pawlin phuba kan la thei. Ralkap pawl donak ih in ra bawmtu Chin ralkap CNA 10 parah kan lungawi tuk” tin an tarlang.

Ralkap lam mithi le hliamtuar an tam tuk ruangah zanlam ah ralkap pawl cu Hnankha khuasung ah an va lut ih inn 36 an urkang hnuah an tlansal. Gangaw-PDF pawlin dothlennak ah nehnak an co hlanah an do vivo ding thu an tarlang. (#The Chin Journal)

Be the first to comment

Leave a Reply

Your email address will not be published.


*