CNA le CDF-Thantlang In Lungler Ralkap Sakhan An La

CNA le CDF-Thantlang in Lungler ih um ralkap sakhan cu an do ciamco hnuah an la thei. CDF in “September 10, 2021 ah Thantlang ramsung, Lungler khua ih ralkap sakhan cu CNA le CDF-Thantlang in mipum 200 luan in kan va do.

Ralkap pawlin doawknak vanzam thawn in kap ruangah dung kan sip. September 11, 2021 zanlam nazi 7:45 ah mipum 400 hrawngin kan va dosal, kan kapaw ciamco hnu zan nazi 9:30 hrawngah ralkap sakhan pumpin kan la thei.

Kan doawknak ah ralkap lam 12 an thi, CNA le CDF-Thantlang lamah mithi kan um lo ih hliamtuar 8 an um. Sakhan kan lak hnuah an ralthuam pawl kan la ih sakhan cu kan urkang” tin an tarlang. Lungler kiangkap mipi pawl cu Mizoram lamah an tlan ih Mizoram in áš­ha zetin arak mikhual.

Save Mizoram ah “Tulai Myanmar ramsung buainak ah kan unau Chin mipi pawl hi an zangfak um tuk. Tuisun ah Lungler ih um ralkap sakhan cu CDF pawlin an lak ruangah ralkap pawl an ra cangvai sal ding ti an phang ruangah raltlan tampi an ra tlanlut sal.

An ra tlannak Mizoram ih khua pawl hi khawte ngaingai kan si, kan theitawk in kan rak buaipi nan kan pase zet. Cun, Tio tiva kap ah raltlan tampi an um lai, zarhkhat hrawng ei le in ding lawng an keng thei.

Khua lam ih va kirsal ding cu an ngam nawn lo. Curuangah raltlan pawl zangfak ih bawm duh nan bawmnak ding thei lo hrangah Ngharchhip VCP pu Zonunmawia Chinzah (Facebook), Secy Albert Hnialum Hlutea (Facebook), a post-tu phone number 6909714802 ah nan pehtlaih thei” tin an tarlang.

Be the first to comment

Leave a Reply

Your email address will not be published.


*