CNA Le ZRA An Kapaw

Chin State, Tedim peng, Singlei khua kiangah CNA le ZRA pawl an kapaw, April 27 le April 28 ah an kapawk thu CNA ṭuanvo neitu in a phuang.

CNA thuphuangtu Salai Salai Htet Ni in, “Meithal awn kan theihdan cun mipum 20 hrawng an si ding. Kan lamah mithi le khawngaw ngah an um lo, annih lamah pakhat a thi in kan hmu. Doawknak cu minute 10 hrawng a si ih doawknak tenau a si” a ti.

CNA le ZRA cu April 27 zinglam nazi 7:00 hrawngah veikhat an kapaw ih April 28 zanlam nazi 3:00 hrawngah an kapaw sal. November 17, 2021 ah Tedim peng, Ngawsing khua kiangah CNA le ZRA pawl an kapaw zo, tuiṭum cun veithum an kahawknak a si.

January 16, 2022 ah ZRA in Chinram sungih doawknak ruangah a ṭuldan vekin an cangvai thlang ding thu an phuang. Nikum 2021 sungah India-Myanmar ramri ih umhmun khuar PDA, PDF-Zoland le CDF-Hualngo sakhan cu ZRA pawlin an kap ih an siatsuah zo.