CNDF Ih An Kahthat Mi Ralkap Ruang 6 Cu Falam Ah An Lutpi, Pasalṭha Salai Cungte Ih Ruang Cu A Innsang Hnen A Thleng Hrih Lo

Chinram khawpi Hakha ah thuneihnak latu ralkap le mipi kilhimtu pawl an doaw rero lai, Kalay lam ihsin ralkap motor 2 cu Hakha feh tum in Chinram ah an kaiso ih Falam CNDF pawlin lamlakah an rak bawh ih an doaw ciamco.

May 21 zinglam nazi 8 hrawng ihsin an kapaw ih ralbawi pakhat telin ralkap 6 an thi. Ralkap 2 cu hliam nazet tuar in an tlanhlo man, CNDF pasalṭha Salai Cung Nawl Piang (kum 28) cu an doawknak ah a thi.

Cumi hnuah Kalaymyo lam ihsin ralkap motor 10 an poksuak ih Chin ramsung ah an lut ti theih a si. Ralkap ruang 6 cu May 21 zan nazi 9:00 ah ralkap motor 5 in Falam khuasung ah an lutpi ih khuitawk hmun ah an ret tum ti cu theih a si lo.

Ram hrangih nunnak hlantu Salai Cung Nawl Piang ih ruang cu a innsang pawl hnenah a thleng hrih lo. Salai Cung Nawl Piang cu Falam peng, Khuangli khuami a si ih Pa Tha Lian Mang le Nu Saw Kip Thiam tei fapa a si.

Aizawl a suahsan zan ih a post mi

Mizoram, Aizawl khawpi Canmary veng ih an umnak a rei zet zo ih Bethany kawhhran ah an lawi. Ram zalen le nuam ah arak um ringring nan a ram le mipi pawl auaw in a ko ih aum men thei lo ruangah misualral ralkap pawl do dingin a poksuak ih ram le miphun hrang a nunnak a hlan.

Be the first to comment

Leave a Reply

Your email address will not be published.


*