CNDF In Falam Peng Sung Hrang Theihternak Ca An Suah

Chin National Organization: “Falam mipi khat le khat hmusual-aw ih lungrual lonak a thlenlonak dingah Falam Peng sungah CNDF siar lo hriamkaibu dang um lo dingah CNO/CNDF in August 24, 2021 ah letter number (7/2021) in ca a rak suah zoih himi dokalh zawngih zohman cangvai lo dingah kan lo theihter bet sal a si” tin November 26, 2021 zan ah an tarlang.

Theihternak “(1). Chin National Organization/Chin National Defense Force (CNO/CNDF) hi 2021 kum April 13 ni ih rak din thokmi a si.

(2). CNO/CNDF a din thok ihsin Chin mipi humhim in, diklonak dodaltu kan tuanpi hriamkaibu dang pawl thawn dictatorship pohpoh an tluk theinak ding, Federal Democracy ngah theinak le Chin miphun hrang cangvaihnak pawl ah thungaithlakih cangvai rero tu a si.

(3). CNO/CNDF hi Chin phunpi hrangah cun zo vek bulpak, pawlkom pakhat khat ih hliahkhuh lomi dothlengnak pawlkom a siih, Falam peng sungih hriamkai-bu umsun a siih tlunah Falam peng le Chin ramkulh leng um Falam mipi zate le Chin miphunpi ih lungrualnak ngai poimawh zettu pawlkom khal a si.

(4). Curuangah Chin ramkulh, Falam mipi khat le khat hmusual-aw ih lungrual lonak thlen theitu thil hrimhrim hrialnak ding hrangah Falam peng sungah cun CNDF siar lo ziangvek hriamhreikai pawlkom hman din lo dingin thungaithlak in ralrinnak kan pe-aw a si.

Be the first to comment

Leave a Reply

Your email address will not be published.


*