CNDF In Ralbawi Telin Ralkap 100 Lenglo Hellram Ah An Kuat

Thla 4 sungah CNO/CNDF in ralbawi telin ralkap 100 lenglo an that ih 40 hrawngin hliam nazet an tuar, himi an doawknak ah CNDF lam 8 an thi ve. Thla 4 sungah hmun dangdang ah vei 8 an kapaw.

CNDF sungṭuan pakhat in “Thla 4 sungah Falam peng sungah le Kalaymyo, Kabani, Tharsi, Thanpo kiangih doawknak ah kan va tel.

Vei 8 kan doaw ih cutawk ah ralbawi telin ralkap 100 lenglo an thi. Kannih lamah miralṭha 8 in ram le miphun hrangah an nunnak an hlan” a ti. CNDF cu Chin National Organization kuthnuai ih ralthuam keng an si.

CNO /CNDF cu NUG၊ CRPH thawn hna an ṭuantlang vivo ding. Cun, ramsung ih um EAOs pawl thawn khal ke an kartlang ding, CNF, ZRO (E) CDF, PDF pawl thawn khal hna an ṭuantlang dingih Federal Democracy ngah hlanlo ral an do vivo ding.

Be the first to comment

Leave a Reply

Your email address will not be published.


*