CNDF In Ralhrang Kuthnuai Ih Palik Pakhat An Kai

Chin National Defense Force (CNDF) in ralhrang kuthnuai ih um palik pakhat an kai ih thu an sut rero lai. CNO/CNDF in Chin ram, Falam peng ih cozah hnaṭuan pawl cu Civil Disobidience Movement (CDM) tuah dingin forhfialnak an rak nei.

Thuneihnak latu ralhrang kuthnuai ah hnaṭuan lo dingin thu an rak than ih himi thu a thlunlotu pawl cu 07/09/2021 hnu ihsin an phutawk hremnak an pe ding tin an rak tarlang.

Ralhrang kuthnuai ih hnaṭuan lai thotho palik Ral Hlei Thang, Private No. 282297 cu CDM tuah tumtu pawl ih thuhla cipciar in a zingzoi. CNDF thuhla khal a zingzoi ih mipum thazang an neihzat pawl a hlakhlai. CNDF umnak kiangkap mipi pawl khal ṭih thlaphang dingin a cangvai ruangah November 18, 2021 ah mipi kilhimtu pawlin Falam peng hmun pakhat ah an kai.

CDM tuah duhlo, ralhrang kuthnuai ih hnaṭuan lai palik cu leitlun ralkap daan le dun le CNO/CNDF ih ngankhum mi daan vekin hmunhimnak ah an hruai ih thusutnak an nei rero lai.

Be the first to comment

Leave a Reply

Your email address will not be published.


*