CNDF In Ralrin Peknak Thu An Suah (October 18, 2021)

RALRIN PEKNAK (10/2021): Chin ramkulh, Falam peng sungih CDM tuahtu pawl hna lawnglak ah SAC ralhraang uknak hnuai-in hna ṭuan ra diltu nan um thu siseh, Ralkap Cozahpi kekar thei dingin Khawbawi a ṭuan peh rero tu pawl le Non CDM in cozah hna a ṭuan peh hrihtu pawl nan um lai thu kan thei a si.

Hi vekin Rampi huap ih siat kan ton lai caan ah, Ralkap Uknak hloralter ding tumtahnak thawi’ CDM a tuahtu pawl hna lawnglak mi ah, mai’ hmakhua lawng zoh tahrat in hamṭam zetih hnaṭuan a rak diltu pawl siseh, mai’ milaipi zawnruah lainatnak khal nei loih Ralkap Cozah hna a rak ṭuan peh rero tu pawl cu CNO/CNDF in nasa zetin kan dem a si.

Curuangah Ralkap Uknak cu dodal in kan nor rero lai ah Acozah hnaṭuan rak diltu pawl siseh, Ralkap Uknak kekar vivo theinak ding hrang tha pe ih a ṭuan peh vivo tu hmuahhmuah cu Dalan thawi’ dinhmun bangaw ah kan lo ret dingih nan nunnak, nan neihsiah ziangkim ah mawhphurhnak kan lo laksak lo dingih kan lo theihpi lo ding a si tiah Ralrinnak Thu kan lo than a si.

Be the first to comment

Leave a Reply

Your email address will not be published.


*