CNDF Ralbawi Ih Anka…

“Ralkap pawl Chin ramsung an ra lut tikah nasa zetin in ra kap ding ti cu kan theicia ih theitawk in timtuahnak khal kan neicia, lamzin ih rak khamawk dan le thil dangdang thu ah kan tawlrel rero ko.

Tuiṭum kahawknak ah kan tel rero, CNDF telin CNA le CDF thawn komaw in kahawknak kan nei. Nazi hrek hrawng kahawknak kan nei, tuiṭum kahawknak ah ziangkim kan rawnaw. Cun umhmun khuarnak ding pawl kan ṭhenaw, hmun tampi ihsin kan rak bawh ruangah kanmah sung lala khalah hmun dangdang ah kan thazang cu kan ṭhenaw.

Kan unau CNA, CDF, PDF Zoland, Civic Defense Militia…(hriamkai 9 lenglo) pawl thawn Chin Commanders Joint Committee ah hna kan ṭuan tlang. Kan mipi an ti natmi cu daiten kan zoh men lo ding, mipi zawn ruat in kan ti rupro lomi tla aum ko nan kanmah thawn pehtlaihaw lomi khuasung mi an that ih khua an urkang ruangah dim cu kan tum lo zet.

Timtuahnak khal kan tuah bet, cang theitawk ih rak do dingin kan timlamaw rero. Falam peng sungih kahawknak ah a thokten kan tel rero. Mipum zawng cun kan daihaw nan hriamhrei kan daihawk lo ruangah kan kham thei ding zat, kan do thei ding zat in kan cangvai thei lo.

Kan cahlonak cu hriamhrei kan nei ṭha lo ruangah a si, asinan thinlung zawn ah in neh lo lawlaw, mipi ih ṭanpinak ah in neh lo lawlaw. Hi hnakin hriamhrei kan nei ṭha sawn asilen hmuar nei sawn in hi dothlennak ah zamrang deuh in nehnak kan co thei ding. Ramsung ramleng ihsin in bawm nasa, eilein lam khalah kiangkap khuami pawlin eilein ding in run pe ṭheu…” tin Chin TV International thusutnak ah a rel.

Be the first to comment

Leave a Reply

Your email address will not be published.


*