CNDF Ralkap Ruang (2) An Hmu

Chin State, Falam peng, ralhrang pawlin Rihkhawdar ramri gate an lak laiah an kaihmi CNDF ralkap pahnih ih ruak cu tualsung mipi pawlin an hmu. March 26, 2022 zinglam ah Myanmar-India ramri ah doawknak a thleng, cutawk ah ralhrang pawlin mipi ralkap CNDF pahnih an kai.

April 17 zinglam ah hmuan neitu in a hmuan kiangkap ah thilrim sia zet a thei ih a hawl hnuah leivawr a hmu. Rihkhawdar khuanu khuapa hnenah a sim thei ih April 18 zinglam ah leivawr cu an lai hnuah mithi ruak pahnih an hmu.

Mithi ruak phorhtu pakhat in, “Pihnih hrawngih thuk ah an rak phum, hmun pakhat ah an phum tlang. An hmuihmel cu a siat thluh zo, ziangtin kan nenhnget thei ti asilen pakhat sawn hi a sam a sau.

Neta ih kan theihdan ah ralhrang pawl ih an suahmi pahnih in doawknak a thleng hnu a thaizing ah tlangpar ah meithal awn veihnih an thei. A cang theimi cu ralhrang pawlin ramlak ah an hruai ih lei an laihter hnuah an kap that a si ding” a ti.

CNDF ralkap pahnih ih ruang cu Rihkhawdar ahmat (2) veng, thlanmual thar kiangah an hmu. Pakhat cu kum 24 mi a si ih a nupi naupai lai mual a liamsan, pakhat sawn cu kum 30 hrawng mi a si ih nulepa a nei nawn lo ruangah sungkhat inn ah aum. Mipi ralkap ruak pahnih cu an suahsemnak khua ah an phur ih an vuiliam zo. CNDF sakhan ih rawlsuangtu an si.

Be the first to comment

Leave a Reply

Your email address will not be published.


*