CNF/CNA le CDF Tawlrelnak In Tlawnginn Ah Chin Thantar An Zar

Mindat le Thantlang peng sung hmun ṭhenkhat ah CNF/CNA le CDF pawl tawlrelnak in tlawnginn ah Chin thantar an zar ih nauhak pawl tlawng an kai. 2008 ralhrang daanhrampi ah tlawnginn ah Myanmar thantar zar ding timi cu an tar lo ih Vapual zuk a cuang mi Chin thantar sawn an zar.

Khuami upa pakhat in, “Kannih tlang cu CNF/CNA uknak hnuai ah meeting kan tuah ih nauhak tlawnginn pawl kan ong. Cazirhtu khalah CDF ralkap tampi an tel” a ti. Rakhine ramsung khalah Arakan Army leiram sungih nauhak tlawnginn cu an ongsal ih Rakhine thantar an zar.

Tlawngta nauhak pawlin hla an sak tikah Rakhine miphun hlapi an sak. Rakhine ralkap upa in, “Tlawng pawl kan ongsal ih nauhak pawl tlawng an kai hi ralhrang pawl kan tanpi tinak a si lo. Rakhine miphun hrangah a si, tlawnginn ah Rakhine thantar kan tar ih Rakhine hlapi kan sak. Myanmar hlapi “တရားမျှတ၊ လွတ်လပ်ခြင်းနဲ့မသွေ” timi kan sak nawn lo” a ti.

Ramkhel hminthang pakhat in, “Ralhrang pawl kan do rero laiah hitin tlawnginn ah mai thantar le hla an sak cu a ṭha tuk. Democracy rim a nam rero zo, Democracy nitleu mawi pakhat a si” a ti.

Be the first to comment

Leave a Reply

Your email address will not be published.


*