CNF Umnak Lamah Ralkap 100 Hrawngin Umhmun An Va Khuar

June 9 zanlam 4:00 in 5:00 karlak ah ralkap 100 hrawng cu Thantlang peng, Sopum khua an thleng ih umhmun an khuar, khuasung mi pawl cu hmun dangah an tlan.

Khuasung mi pakhat in “Ke in an ra thleng, motor tumpi ke 12 nei in an thilri, ei le in pawl a phur. Ralkap lakah putar zetzet khal an um, bag an pai lo ih baskets an keng.

Vanzang le Zahnak tlang lamah minung 50 hrawngin umhmun an khuar, Thantlang lam khualutnak Bethel Thlacamnak hmun ah 50 hrawngin umhmun an khuar” a ti.

Sopum khuasung mipi ṭhenkhat cu hmun dangah an tlan nan ruahsur laitak a si ruangah tlansuak thei lo nunau ṭhenkhat cu khuasung ah an um lai. Sopum khua ah ralkap pawl ziangtik tiang an um ding ti cu theih a si lo nan thilri bungrua cu an keng tam zet. Sopum khua cu ahlan cozah laiah CNA ram ih rak hminsin mi a si.

Be the first to comment

Leave a Reply

Your email address will not be published.


*