CNO/CNDF “Kah-awknak Thusuah”

Chin National Organization: “Kalay Peng Natchaung khua ah Raltho ih in ra nortu ralhrang SAC ralkap pawl cun December 26 zanlam ihsin in ra kap ih CNDF, PDF (Kalay) le ပ.က.ဖ pawl ṭangkawp thawn zanvar ten nasazet in kahawknak a um.

Kah-awknak ah ralhrang SAC ralkap lam cun ralthuam tumpi pawl thawn nasa zetin in kap ih kan ni lam ihsin ပ.က.ဖ sungtel mi pahnih nunnak an liam, PDF (Kalay) sungtel ihsin mi pathum in hriamhma an tuar ih CNDF sungtel ihsin mi pakhat in hriamhma a tuar. Ralhrang SAC ralkap lam ihsi khalin mithi le hriamtuar an um nan ziangzat cekci an si timi nemhnget theih a si hrih lo.

Tuini December 27 zinglam (3:30) hrawng ihsi thokin Kalay khawpi, Tahan veng Tongphila lamzin ṭek le Ritheihsii palik zung kiangkap tluan ah ralhrang SAC ralkap pawl le CNDF, TDF le PDF (Kalay) ṭangkop pawl an kap-aw ih ralhrang SAC ralkap pawl hnen ihsin Motor pakhat kan long ngah a si. Kan ni lam ihsin zohman siatsuahaw umlo ten dung kan sip thluh theisal.

Tufang kan dinhmun a ṭhatlo ruangah kahawknak suaksal thei dinhmun a si ringring ih mipi pawl ralringten um cio dingin kan lo theihter a si.

Be the first to comment

Leave a Reply

Your email address will not be published.


*