Colombia Police Pawlin Facebook Sersuaktu Hmuihmel Vek Ciahciah Misual Kai Dingin An Hawl Rero Lai, A Thuhla Theitu Hnenah $3 Million An Pe Ding

Facebook sersuaktu CEO Mark Zuckerberg cu leitlun ih milar pakhat a si, company tam zet a nei ih thil a phungphung a tuah. Amah vek ciahciah, a hmuihmel vek rak keng ve pakhat cu misual arak si.

Colombia Police pawlin kai dingin an hawl rero lai ih a thuhla theitu, kai ngahtu hnenah $3 Million an pe ding thu an tarlang. An kaih tumnak a san cu June 25 sunah an ram president Iván Duque le an ram hruaitu upa pawl cu helicopter in an vaksuak.

Cutin an vahsuak lai cu misual 2 in an rak kap ciamco. An helicopter khal vei tampi an kap ngah nan hliamtuar le mithi an um lo. Zo an si ti an theifiang hrih lo ih pakhat sawn ih hmel cu facebook sersuaktu ih hmel vek a si ti an thei.

Colombia Police in an hmel cu kut in an suai ih online parah an tarlang, mi tampi in Mark Zuckerberg thawn bangaw an ti tuk ruangah comment-nak ah Mark Zuckerberg cu an tag/mention ciamco.

Be the first to comment

Leave a Reply

Your email address will not be published.


*