Covid-19 Daan Le Dun Pahbal Tin Mino 32 An Kai

Myanmar ralkap pawlin September 4 zan ah mino 32 cu Covid-19 daan le dun pahbal tin thubuai an orhter ih an kai.

Rakhine State, Sittwe khua ih mino 32 cu ROYAL Restaurant ah an tongaw khawm, mipa 19 an si ih nunau 13 an si.

Zan nazi 11 luan hnuah ralkap pawlin an va lutchilh ih Covid-19 daan le dun pahbal tin pukmah 25/29 hmangin an kai thluh.

Myanmar ramsung ah Covid-19 thlisia a veithumnak a hrangsal ruangah harhdamnak zung pawl khalin fimkhurten tualsung mipi pawl tlangleng dingin thu an suah zo. Rakhine ramsung ah September 4 tiang ah Covid-19 nat nei 4,304 zat an um zo ih mithi 406 zat an um tin harhdamnak zung in a phuang.

Be the first to comment

Leave a Reply

Your email address will not be published.


*