Covid-19 Damlo A Kilkhawi Ih “Kilkhawitu Neilo Ka Tuamhlawm Ruangah Nathrik Ka Kai Ve Ih Ka Thi Ve Asikhallen Ka Rawngbawl Ve Theinak Tin Lungawi Zetin Ka Um Ding” A Ti

Covid-19 natsia in Myanmar ramsung a nuai ciamco ih mithi le damlo an tam zet zo. Tahan ih um Pu Luaia le Pi Muani cu Covid-19 in an damlo ih an bese zet.

kilkhawitu an neih lo ruangah fala Cing Suan Nem in anmah kilkhawi dingin pum a peaw. Cing Suan Nem in ‘nathrik cu ka kai asilen ka kai mei ding’ tin a tuamhlawm.

Tuisun June 24 ah Pi Muani cu a na tuar nawn loin mual a liam, an pa khal a cau zet. Anmah kilkhawitu fala cu thaisun ah nat a kai le kai lo a test aw ding.

Pastor in “Nat rak kai pang awla ziangtin ha na ti ding?” tin a sut ih. Cing Suan Nem in “Pastor, himi kilkhawitu neilo ka tuamhlawm ruangah nat ka kai ve ih ka thi ve asikhallen ka rawngbawl ve theinak a si ruangah lungawi zetin ka um ding” a ti.

Cing Suan Nem cu Tedim mi a si ih Philippines ram ah Adventist Univetsity of the Philippines( AUP ) ah nursing zirlai a si, Covid-19 boruak sia ruangih ra tlung duak a si. (#PL Thlenga Chhakchhuak)

Be the first to comment

Leave a Reply

Your email address will not be published.


*