Covid-19 Damlo Cu A Room Sungah A Kharhkhum Aw Ih A Thi, A Room Par An Kai A Ṭul

Magway, Soe Kaw Min vengih um mipa pakhat cu Covid-19 in a damlo, a positive ti an theih hnuah a room sungah a kharhkhum aw ih a thi lanta.

July 18, 2021 zingah a thawmvang an theih nawn lo ruangah an ko rero nan a sawn lo, cutin mibawmtu pawlkom an ko ih a room par ihsin an kaiso. An va zohfiah cu arak thi zo ti an thei.

Magway Colorful Charity Association mibawmtu in “Covid-19 positive ti an theihfiangmi a si ih room sungah a kharhkhum aw. Mizan tiangah cun inn sungih um pawl thawn an pehtlaihaw thei lai, zinglam ah an ko rero nan a sawn lo. An pehtlaih thei nawn lo, room sunglam ihsin tawh a kalh fawn. Curuangah a room par ihsin kan kaiso ih kan zohfiah” a ti.

Magway mipi in Covid-19 thlisia a veikhatnak le veihnihnak lai ahcun Covid-19 center ah an rak tuamhlawm aw ih an control thei. A veithumnak cu inn lamih tuamhlawm awk a ṭul ruangah nathrik kaisawng awk khal a awl tuk’ an ti.

Convid-19 center ih um ding cun bese tuk lawng an rak cohlang ruangah an buai zet. July 17 ah Magway GTI Covid-19 Center an ong ih center ih um duh pawl cu anmahten an tuamhlawm awk a ṭul thu an phuang.

Be the first to comment

Leave a Reply

Your email address will not be published.


*