Covid-19 Ih Damlo PDF Ralkap Pawl Cu Mipi Bawmnak Zarah An Dam Ṭhasal

Myanmar ramsung ah Covid-19 thlisia aveithumnak a hrang ciamco, khua sungih um pawl an damlo vekin ramlak ih um pawl khal Covid-19 in an damlo ve.

PDF ralkap pawl cu Covid-19 in an damlo ti an theih veten mipi in sumpai an thawhkhawm ih bawmnak an va pe, cutin PDF pawlin an dam ṭhasal thu an pholang.

PDF ṭuanvo neitu in “Ramsung mipi pawl, in bawmnak zarah Covid-19 positive ralkap pawl khal an dam ṭhasal zo. In bawmmi sumpai in nitinten sa kan ei ih tuisun cu cawsa kan ei, kan thuai nasa.

Thlakhat sung cu pehang le salem (အသားတု) lawng kan rak ei ringring, ei le in ding kan neih nawn lo tikah ramlak ih kan hmuhmi a remrem kan ei ṭheu. Sa cu kan hmuhlonak a rei tuk zo, siivai khal kan ngah zo. In bawmtu nan zaten parah PDF aiawh in UIM Community in lungawithu kan lo sim” tin an rawlei lai zuk thawn an tarlang.

Be the first to comment

Leave a Reply

Your email address will not be published.


*