Covid-19 Ruangah Ei Le In Ding An Nei Nawn Lo Ih An Thirleng Le Bike Cu Milian Hnenah An Va Pawn Ciamco >>>

Myanmar ram cu ralkap le Covid-19 in an nuai ciamco ruangah mipi in harsatnak phunphun an tong. Ayeyarwady Region, Pathein District, Ngathaing Chaung khua ah milian zet innsang pakhat in Pawn Dawr an ong.

An khuasung mipi pawlin sumpai an ṭul tuk ruangah an neihmi thirleng, bike le thil dangdang cu sumpai thawn an va pawn ciamco. An thil pawnmi pawl a thlennak ding sumpai khal an nei cuang lo ruangah alakin an pe kirsal thluh.

Thirleng 50 le bike 30 lenglo cu mipi in an va pawn, July 23 sun ah nan bill thawn nan thilri pawnmi pawl hi alakin ra lasal thluh uh tin thu an than, khuasung mipi pawl cu lungawi zetin an thilri pawl cu an va lasal ih an hnenah thirleng 7 lawng a tan.

Pawn Dawr neitu cu milian zet an si ih miharsa pawl bawmnak khal an pe ṭheu. Innsang nubik Ma Khin Mar Kyu in “Mi ṭhenkhat in an thirleng thlennak ding sumpai an neih lo ruangah zangfah in ra dil ṭheu.

Ka thinum a nuam thei lo ih ka innsang pawl thu ka rawn cu alakih pe kirsal thluh dingin rem an rak ti ve. Thu kan than veten pakhat hnu pakhat an ra la, ka diriam tuk. An pawnnak cahnah an run keng asilen kan rak pe vivo mai, kan hlu tin ka ruat aw” a ti.

Be the first to comment

Leave a Reply

Your email address will not be published.


*