Covid-19 Ruangah Naute Suak Pek, Zarhhnih Mi In Hringtu Nu Anei Nawn Lo

Mizoram, Ramhlun South ih um Pi B.Lallawmzuali cu May 19 ah Covid-19 a positive ih ZMC ah an ret. Naupai lai a si ih a pasal cu vairam ah hnaŠĻ≠uan in aum.

Siizung ih aum laiah nau neih cu loin a vei, a damlo thawn a nunnak hrangah a poi thei dingih an theih ruangah May 22 ni ah a pum sungih naute cu an atsuak.

An atnak lamah a thisen a suak tam ih thawsam aneih tel ruangah Oxygen le ventilator an bun ringring. Cun, a taksa ah Covid-19 damlonak symptoms aum ruangah a natnak tuar cu a thuahhnih.

A natnak cu ziaum lam a pan thei lo ih June 4 zan nazi 9:30 hrawngah a na tuar nawn loin a fanu zarhhnih mi le a pasal fanau pawl cu catuan ram a fehsan.

A fanu zarhhnih mi cu Covid-19 a kai ve lo ih an veng fala tlawmngai Lalremruati in arak kilkhawi. A nupi damlo ruangah a pasal cu vairam ihsin ara tlung ih quarantine hnuah an fanu pakhat in Covid-19 arak kai ve ruangah CCC ah an pafa in an um lai. An innsang hi an lainat um zet ih thlacamnak in rak bawm cio uh. (# Vanglaini)

Be the first to comment

Leave a Reply

Your email address will not be published.


*