Covid-19 Thlisia A Hrang Ciamco Ruangah RC Puithiam In Vengsung Ah Thlausuah Peknak, Ti Thianghlim Thehnak Le Saam 91 Hlabu Siarnak Pawl A Nei Vivo

Myanmar ramsung ah Covid-19 thlisia aveithumnak a hrang ciamco ih mithi khal an tam zet zo. Curuangah Catholic kawhhran khalah ni rikhiah tuah loin mipi pungkhawmnak cu hrial in khawm awknak an nei lo.

Online sung ihsin Thuthangṭha phuannak an rak nei rero zo, cumi hnuah August 3 in 18 tiang cu thlacamnak nei cio dingin thu an than.

Mipi thlaphang ih an um ruangah Puithiam pawlin an tualsung ah vaksuak ih thlausuak peknak an nei vivo, ti thianghlimnak thehnak le Saam hlabu 91-nak siar in khuasung an helkual.

Parish Puithiam Fr. Kyaw Thu Rah in ‘Leitlun huap ih karh rang zet mi Covid-19 aveithumnak humhimnak ah thlarau lam ih thazang ngah thei dingin humhimnak ah zaanlam nazi 3:00 pm ah Puithiam a umnak khua ih um nisuahnak lam- St. Peter,

Nitlak nak lam-St. Paul, thlanglam- St. John, saklam-St. Thomas, veng thar- St. Augustine veng pawl ah inn tin ah Bawi Jesuh Thi le Sa thawn vel phah in siseh, ti thianghlim thehnak thawn siseh, Saam 91 nitin siar saknak thawn siseh, humhim aw in an khuasa’ tiin Chaung Yu Parish ih Parish Puithiam in a facebook cahmai ah a tarlang.

Be the first to comment

Leave a Reply

Your email address will not be published.


*