Daimiah In Nupa An That Ih An Sui Le Ngun Pawl An Laksak

Shan State, Mai Kai peng, Loilem khua ih um nupa tuakkhat cu an inn ah suamhmang pawlin an lutcilh ih an that hnuah an sui le ngun, an rothil pawl an laksak.

July 31, 2022 sun ah suamhmang pawlin an lutcilh ih an that. U Sai Law le Daw Hla Ong tei nupa an si ih an inn ah midang an um lo, suamhmang pawl hi an kai ngah lo.

Tualsung mibawmtu pawlkom in, “Bawmnak dil in in phone ih kan va feh. An hliamhma tuar cu a nasa zet, mithi ruak cu kan thiar ih kan urkang. Ramsung a buai laiah damiah le rukru an tamtuk ruangah ralringten um uh” a ti.

Mai Kai ramsung ah suamhmang, rukru le rithihsii tham an tam zet ih tualthatnak khal a thleng ṭheu.

Be the first to comment

Leave a Reply

Your email address will not be published.


*