Dalan Hminthang An Kap That

Yangon, Tamwe Township, Kyar Kwat Thit veng ih um Daw Soe Soe Lwin cu ralkap lamtang, dalan hminthang a si.

An vengsung mipi pawl khalin an ṭih zet, Kyar Kwat Thit veng lal a si ih anmah ruangah an vengsung mipi pawlin harsatnak an tuar ringring. June 8 zinglam nazi 10:00 hrawngah zo ti theih loin an kap that.

Tuizing ah motor a mawng ih lamzin ih a ding laiah zo ti theih loin a kiangnaite veihnih an kap ih motor sungah a thi cih. Ralkap le palik pawl an va thleng zo ih zingzoinak an nei rero lai.

Vengsung mi pakhat in “Motor sungah an kap that, a hlanah puaisa arak ṭuan zo. Ralkap an lal hnu ihsin veng lal ah a kaisang, amah ruangah mi tampi in kaih an tong.

Nazi 24 sung dalan ṭuan a si ih ralkap pawl hnenah mipi thuhla a sim thei ringring, nunau sual a si. An kap that ti kan thei cu kan zaten kan lungawi thluh” a ti.

Be the first to comment

Leave a Reply

Your email address will not be published.


*